Дојран со својата медитеранска клима, лековита кал, алги кои испуштаат јод, богата гастрономска понуда...создаваат чувство како да сте на море.
Доколку се уште не сте го посетиле Дојран, а планирате тоа да го сторите во следниов период, ви предлагаме што задолжително да пробате.
Рибја чорба, плескавица од икра, кременадла од крап и се разбира дојрански крап на трска се гастрономски специјатитети кои совршено ќе се вклопат во вашата посета на ова езерско прибежиште.
Многумина ќе кажат да си во Дојран, а да не пробаш дојрански крап на трска, е исто како да не си бил таму. Печењето на трска е всушност најстар начин на приготвување на рибата. Риба подготвена на ваков начин се послужува заедно со трската залепена на рибата.
Дојран и околината се познати по органското производство на калинки, маслинки, киви, смокви, мандарини.. па би било одлично доколку се поврзете со некои од локалните производители и продавачи и набавите од овие вкусни и автентични за овој регион плодови.