Поранешниот премиер на Македонија, Димитар Ковачевски, се приклучи на COSCU како Регионален советник за Европа. COSCU (Council of Strategic and Collaborative Universities) е меѓународна институција посветена на развој на образовните политики и меѓународна соработка.
„Големото искуство на г-дин Ковачевски во образовниот сектор совршено се усогласува со мисијата на COSCU да го поттикне растот во образовната индустрија. Како доктор по економија и професор на Факултетот за бизнис економија и менаџмент на Универзитетот Американ Колеџ Скопје, тој покажа непоколеблива посветеност на академската извонредност. Неговите бројни научни придонеси во областа на економијата и менаџментот дополнително ја нагласуваат неговата посветеност за унапредување на знаењето и иновациите“, се вели во објавата на компанијата.
Во COSCU, тој ќе игра клучна улога во обликувањето на образовните политики и поттикнувањето на меѓународната соработка.
“Добредојде на Х.Е. г. Димитар Ковачевски во COSCU семејството, каде што неговото искуство и лидерство ќе бидат од голема вредност“, стои во објавата.
