До 23 август, на територијата на Општина Гази Баба се поставени контејнери за одлагање кабаст отпад, информираат од ЈКП „Гази Баба 2007“.
Контејнерите се достапни на осум локации – во Ергеле, Трубарево, Скопско Поле, Јурумлери, Колонија, Идризово и Дрма.
Од јавното претпријатие апелираат граѓаните навремено да го одлагаат кабастиот отпад и тоа исклучиво во поставените контејнери, со цел да се спречи создавање диви депонии и оставање отпад на јавни површини.
Акцијата е насочена кон одржување на почиста и поуредна животна средина во населените места на територијата на Општина Гази Баба.
