На неколку локации во општината Ѓорче Петров во изминатиот период беа поставени рекламни паноа на кои пак осамнаа платени реклами. Од општината не знаат кој и зошто ги поставува овие паноа, за кои согласно законските прописи таа треба да ги контролрира и да наплати концесија.
Скопје Инфо во неколку наврати се обрати до општината, од каде прво не препратија во Градот Скопје за одговор, но откако им беше укажано дека тоа е во нивна надлежност, не успеја да дадат одговор на прашањата кој и зошто ги поставува рекламните билборди и дали општината ќе преземе нешто за нивно отстранување.
Од градската администрација во однос на ова прашање информираа дека тие се надлежни за контрола на билбордите кои се поставуваат на централните – градски улици, додека за локалните патишта налдежноста е на градот Скопје.
Во конкретниот случај се поставува прашањето дали општинската администрација свесно дозволува да се крши законот со незаконското поставување рекламни паноа на нејзината територија?
