Сите витамини и минерали имаат различно влијание на нашето здравје и добросостојба.
Photo by engin akyurt on Unsplash
Но, постојат витамини и минерали кои се суштински важни за да тоа да се чувствуваме добро во текот на денот.
Витамин Ц
Витаминот Ц е исто така познат и како антиоксидант кој е добар за нашиот имунитет, за зараснување на раните, но и за здрава кожа, добар метаболизам и добро расположение. Дневно препорачаната доза е 75 мг за жените и 90 мг за мажите. Иако можете да го земате како додаток во исхраната, сепак треба да знаеме дека тој е присутен во многу видови овошје и зеленчук. Пример за тоа се лимоните, зелката, пиперките, бобинките, кивите и тн.
Витамин Д
Овој витамин е важен за хормоните во нашето тело. Тој е поврзан со нивоата на енергија, а неговиот недостаток предизвикува замор и е поврзан со здравјето на хормоните и мозокот. Овој витамин е единствен бидејќи може да се добие преку сонцето, но и само одредени видови храна како што е жолчката од јајцето, одредени видови лосос и млекото. Голем дел од луѓето го земаат како суплемент, но за тоа е важна консултација со матичниот доктор.
Витамин Б12
Овој витамин игра голема улога во одржување на нивоата на енергија во текот на денот, но и когнитивните функции на мозокот. Тој ја подобрува меморијата и ја намалува слабоста која ја чувствуваме особено кога сме многу ментално активни. Најчесто се добива преку месото, а тој често се јавува како недостаток кај луѓето кои ретко консумираат месо, на кои им се потребни додатоци во исхраната.
Железо
Како и за Попај, така и секој од нас, овој минерал ни дава сила и моќ. Недостатокот на железо создава долготраен замор и главоболки, а прилично е чест кај жените и девојките кои се во нивните тинејџерски години. Добар извор на железо се животинските протеини, какаото, како и леќата. Најефикасно е да се комбинира со витаминот Ц за да се подобри неговата апсорпција.
Омега 3 масни киселини
Омега 3 масните киселини се важни за срцето на здравјето, но и когнитивните функции и нашето расположение. Најчесто се наоѓаат во рибата, но и јаткастите плодови, лененото и авокадото.
Магнезиум
Магнезиумот претставува електролит кој му е потребен на нашето тело, за да ги одржи нивоата на енергија на високо ниво, но и има своја улога во хидратацијата. Ниското ниво од овој минерал предизвикува лошо расположение, замор, па и главоболки и болки во мускулите. Може да се најде во зелениот лиснат зеленчук, семките и јаткастите плодови. Се препорачува дневна доза од 350 мг на ден.
