Се прашувате зошто на одредени луѓе можете да им кажете секакви тајни, а со некои луѓе немате таков однос, бидејќи имате чувство дека веднаш ќе го пренесат кажаното? Одговорот може да лежи во астрологијата. Според астролозите овие хороскопски знаци не знаат да чуваат тајни.
Близнаци
За Близнаците се вели дека се најголемите озборувачи меѓу хороскопските знаци. Познати се по тоа дека не можат да ја држат устата затворена и веројатно се последните луѓе на планетата на кои би требало да им се доверите. Иако се добри за подигнување на атмосферата, не би требало да им доверите тајна за организирање на забави кои треба да бидат изненадување.
Девица
Како и кај Близнаците, и со Девицата делумно владее Меркур. Девиците често ги знаат сите детали од животите на луѓето околу себе, а тоа често води кон тоа и случајно да ја споделат тајната која им била доверена. Тие се посесивни и сметаат дека треба да ги знаат сите работи, па така, ако не им се доверите, тоа ќе го сфатат како ваша грешка, а не како начин да ги опоменете за минатите грешки.
Стрелец
Стрелците се филозофите меѓу хороскопските знаци и тие по секоја цена сакаат да ја дознаат вистината. Тие се интензивни, живописни и многу харизматични. Познати се по своите приказни и сакаат да ги преувеличуваат работите. Неретко прават драми без некоја причина. Бидете внимателни кога им се доверувате, затоа што ако тоа е добра приказна, тешко дека ќе ја задржат само за себе.
