Кога треба да ги земаме суплементите во исхраната?

Во последно време, речиси секоја личност зема додатоци во исхраната.

Photo by Diana Polekhina on Unsplash

Причините се различни: недоволна изложеност на сонце, замор, проблеми со варењето, лоша концентрација, слаба кожа, коса и нокти.

Она што треба да го знаеме е дека тоа секогаш треба да биде во консултација со лекар и дека треба да избегнуваме самите да носиме одлуки за тоа што ни е потребно, кога станува збор за здравјето.  

Најчести групи на луѓе кои би требале да земаат додатоци во исхраната се:

Вегани и вегетаријанци

Трудници и доилки

Жени со обилна менструација

Луѓе со одредени проблеми со варењето на храната

Оние кои минале низ одредени оперативни зафати

Луѓе кои патат од алергија или интолеранција

Пушачи и оние кои имаат проблеми со алкохолот

Луѓе кои не јадат риба

Најчестите симптоми кои укажуваат на недостатокот на одредени витамини и минерали се:

• Болки во мускулите
• Анемија и замор
• Чести инфекции
• Лошо расположение
• Бавно зацелување на раните
• Слаб апетит
• Несоница

Кои витамини се најдобри за подобро здравје?

Витамин Б12, витамин Ц и железо

Овие витамини и минерали влијаат на енергијата и придонесуваат за намалување на заморот. Притоа, витаминот Ц придонесува за апсорпција на железото. 

Витаминот Ц е најдобар да се земе наутро. Тој делува против заморот, но и како антиоксиданс кој придонесува за подобрување на нашиот имунитет. Треба да знаеме дека најдобриот начин за внес на витаминот Ц е преку цитрусното овошје и зеленчукот како што е пиперката. 

Освен тоа, дополнителни витамини и минерали кои се најдобри да се земаат за време на ручекот се: поединечни витамини кои се растворливи во масти (витамин Е, витамин А), цинк, како и витаминот А. 

Витамини кои треба да се земаат навечер се: витаминот Д, калциум, омега 3 масни киселини, како и магнезиум. Витаминот Д придонесува за апсорпција на калциум, а тој е добар и во комбинација со омега 3 масните киселини. Калциумот влијае на контракција на мускулите, а магнезиумот делува како релаксатор. 

Витамини кои не треба да се комбинираат

Но, треба да знаеме дека железото не смее да се пие во комбинација со калциум, цинк, витамин Е и манган. Цинкот не смее да се пие во комбинација со бака, витамин Б9 и железо.

Витамини кои можат да се комбинираат

Витамин Ц и железо

Витамин Ц и калциум

Магнезиум и калциум

Витамин Д и омега 3 масни киселини