Градоначалничката на Град Скопје, Данела Арсовска кажа дека мостот „Михајло Апостолски“ ќе биде дограден кога ќе завршат имотно-правните спорови кои ги водат граѓаните.
- Завршивме голем дел од објектите кои беа за експропријација. Таму проблемот е што имотно-правните односи не се само во експропријација, туку има и голем дел од правните спорови кои ги водат роднини и пријатели. Се надеваме дека во краток период ќе бидат завршени, кажа Арсовска.
Додека не заврши процесот на експропријација, жителите нема да добијат скратен пат, односно мост меѓу општина Гази Баба и општина Аеродром.
Проектот е во трета фаза од реализацијата, а мостот во моментов води кон приватните дворови на жителите во Ќерамидница.