Има моменти кога сите сакаме да се вратиме во детството, а честопати одредени ароми и вкусови ни евоцираат спомени токму од тие безгрижни денови.
Ви предлагаме да направите солен колач со спанаќ кој несомнено ви го приготвувале вашите мајки и баби.
Овој лесен и вкусен рецепт ќе биде обожаван од целото ваше семејство.
Состојки
100 мл масло
100 мл млеко
4 јајца
200 гр сецкан спанаќ
200 гр сирење
2 ќесички прашок за пециво
300 гр брашно
прстофат сол
сусам
Подготовка
Во длабок сад ставете ги јајцата и изматете ги со миксер. Постепено додавајте ги млекото и маслото и продолжете да матите за да се соединат.
Додајте ги брашното и двете пецива. Добро промешајте.
Сирењето по желба издробете го или изрендајте го и додајте го во смесата заедно со исецканиот спанаќ. Посолете и повторно промешајте.
Целата смеса ставете ја во тава број 38 претходно премачкана со масло и поросена со малку брашно. На површината ставете сусам.
Печете околку половина час во загреана рерна на 200°С.
