Кинеската медицина е различна од модерната, односно т.н. западна медицина.
Photo by Mark Daynes on Unsplash
Според неа, емоциите се извор на многу болести.
Кинеската медицина користи поинакви методи, па така дава и различни одговори на некои здравствени прашања. Теориите на јинг и јанг и петте елементи претставуваат основа за функционирањето на здравиот организам, како и појавата и лечењето на болестите. Јанг како и денот го означува светлото, топлото и активното. Од друга страна пак, јинг ја означува ноќта, односно темното, студеното и некативното. Тоа се двете крајности, кои се меѓусебно зависни и се спротиставуваат едно на друго, но и се надополнуваат.
Колку и да се различни симптомите, сите методи на кинеската медицина се насочени кон поставување на рамнотежата, односно отстранување на она што претставува вишок и додавање од она што е недостаток во нашето тело.
Освен тоа, според оваа медицина, сè што постои во природата може да се подели во пет категории: дрво, оган, земја, метал и вода. Па така, на секој елемент му се припишани и одреден орган, емоција, боја, вкус и годишно време.
Според оваа медицина, емоциите се главен извор на болестите, а секој орган е поврзан со различна емоција. Кога ја чувствуваме силно, тогаш таа влијае на соодветниот орган. Лутината е врзана со црниот дроб, а стравот со бубрезите.
Така и знаете често во народот се вели „ми го изеде џигерот” или пак „се помоча од страв”.
Знаејќи го сето ова, важно е да го слушаме своето тело, но и да го усогласиме својот начин на живот на исхраната, но и годишните времиња. Важно е да сме свесни за јинг-јанг и да знаеме дека светлината и темнината, односно доброто и лошото одат заедно.