Казнети 124 возачи во Центар и Илинден, 17 од нив возеле пијани

Министерството за внатрешни работи во текот на вчерашниот ден (30.01) продолжи со засилените акциски контроли во областа на сообраќајот.

На териториите на Општина Центар и Општина Илинден изречени се вкупно 124 мерки, од кои 11 за брзо возење, 20 за возење без возачка дозвола, 4 за нерегистрирани возила, 17 за возење под дејство на алкохол и 6 за минување на затворен семафор (црвено светло).

Засилените сообраќајни контроли продолжуваат и во наредните денови. МВР апелира до граѓаните да ги почитуваат сообраќајните правила и прописи за да ја зголемиме безбедноста во сообраќајот.