Некои велат дека генијалец се раѓа. Некои велат дека генијалецот се создава. Оваа дебата никогаш нема да биде досадна и секогаш ќе постои. Луѓето се фасцинирани од луѓето кои имаат интелект и кои можат да постигнат многу работи со својот ум.
Сепак, во животот не е доволен само талентот. Секој човек поседува некаков талент, но најголемата разлика е во тоа што генијалците работат напорно и неуморно за да бидат подобри. Човекот учи додека е жив и човекот не престанува да се надоградува. Залуден е талентот, ако истиот не се негува.
Она што е заедничко за сите генијалци се следниве карактеристики:
1. Постојано се љубопитни
Оние коишто се сметаат за генијалци се постојано жедни за знаење. Постојано има нешто на овој свет што ги занимава, постојано има нешто што ги интересира. Тие никогаш не престануваат да го истражуваат светот и да бидат љубопитни.
2. Зборуваат сами со себе
Мозокот на генијалците постојано работи. Тој е како машина која никогаш не одмара. Зборувањето со себе е еден од начините преку кои тие ги организираат податоците и информациите во главата.
3. Постојано читаат
Книга за книга. Тие никогаш не се без книга во рака. Штом завршат една, започнуваат нова и повторно така отпочеток. За нив книгата ја гаси и разгорува истовремено нивната жед за знаење и нови видици.
4. Бараат предизвици
Нив не им е доволно само да останат на тоа што го знаат. Напротив сакаат да го предизвикуваат сопственото знаење и постојано се изложуваат на мислења и ставови кои се спротиставуваат со нивите ставови.
5. Постојано се грижат и премногу размислуваат
Ернест Хемингвеј велеше: „Среќата кај интелигентните луѓе е најреткото нешто што го познавам.“ И навистина е така. Причината за тоа е што генијалците постојано размислуваат, анализираат, додаваат и пресметуваат и бидејќи го прават сето ова постојано се нервозни и се грижат нешто лошо да не се случи.
