Како со вежби да се ослободите од главоболката

Мигрената е болест проследена со силни главоболки, вртоглавици, па и несвестици кои траат и стануваат неподносливи. Во тие моменти, прво што ви паѓа напамет се оние таблети од кои по долго користење станувате зависни, а главоболките никако да престанат.

Ние ви даваме малку поинаков предлог! Вежбајте и на здрав начин и без лекови помогнете си во лекувањето на „мигрената“. Со оваа кратка програма составена од вежби за циркулација, концентрација, опуштање, рамнотежа и релаксација, главоболките постепено ќе се намалуваат и во потполност ќе исчезнат.

Пред да започнете со вежбање направете атмосфера. Вежбајте сами, во полузатемнета просторија и по желба пуштете тивка музика. Просторијата во која вежбате треба секогаш да е проветрена и да не се користат освежувачи.

1. Вежба (за опуштање и релаксација)

Застанете исправено, стопалата наместете ги во ширина на колковите, стомакот вовлечете го накај кичмата, а со рамената буткајте надолу. Вдишете преку нос и издишувајќи почнете да се свиткувате надолу така што главата да почне прва па потоа вратот, па кичмата (пршлен по пршлен) се до подот. Во таа положба задржете се неколку секунди и потоа вдишувајќи вратете се по истиот пат до горе. Повторете го ова движење четири пати, многу споро и вдишувајте на нос а издишувајте преку уста.

2. Вежба (за концентрација и рамнотежа)

Започнете во истата положба како вежбата 1. рацете исправете ги на страна. Вишете на нос и издишувајќи полека свртете се од половина нагоре на десно, вдишувајќи вратете се до напред и повторете ја вежбата на лево. Ротирајте по осум пати на секоја страна и потоа одморете малку.

3. Вежба (за циркулација)

Повторно во истата положба како претходната само дланките свртете ги нагоре. Вдишете на нос и споете ги рацете до напред. Издишувајќи преку уста отворете ги рацете преку страна до назад. Повторете осум пати а движењата нека бидат спори онолку колку што е дишењето.

4. Вежба (за опуштање)-движења со глава

Седнете на под, со скрстени нозе. Телото нека биде опуштено, но кичмата мора да е исправена. Започнете со движења со главата. Вратот мора да е опуштен и да не се истегнува премногу. Прво вртете ја главата на десно па полека на лево, повторете по осум пати на секоја страна. Потоа виткајте ја накај десното па полека накај левото рамо по осум пати. Продолжете со благо истегнување на вратот нагоре па полека надолу, и завршете со кружни движења на  на десно па на лево, по осум пати. Бидејќи вежбата е за опуштање, не брзајте, туку направете го тоа најспоро што можете. Дишењето е рамномерно.

5. Вежба (за дишење)

Оваа вежба ви ја препорачувам за крај. Останете седнати на под, испружете ги рацете нанапред и спојте ги дланките. Овој пат и кичмата е опуштена и свиткана. Вдишете и во исто време, исправете ја кичмата, а рацете доближете ги до градите. Задржете го воздухот неколку секунди па издишете до првобитната положба. И оваа вежба е спора и се повторува три пати. Уживајте!

Откако ќе ги извежбате овие неколку вежби ќе се шувствувате опуштено, напнатоста ќе исшезне а главоболката полека ќе се намалува. Ви советувам да не вежбате само кога ќе ве заболи главата, туку постојано, за да го спрешите воопшто јавувањето на болките.

new nike air max 2019