Од месец мај, родителите на децата кои живеат и се згрижени во градинките на територијата на општина Центар ќе плаќаат повисока цена за 47,6 отсто за месечен престој.
Цената за едно дете е повисока за 710 денари, па наместо досегашните 1.490 денари ќе изнесува 2.200 денари за месец.
Родителите реагирале на поскапувањето, но од градинките, до родителите испратиле известување: оние кои не го прифаќаат зголемувањето ќе треба да ги отпишат децата од градинка.
На социјалната мрежа „Х“ (поранешен Твитер) се отвори дебата по ова прашање, па дел од „твитерџиите“ не ги оправдуваат реакциите на родителите.
„Како не ви е срам да се буните за поскапувањето на цената за чување на вашето дете 20+ дена месечно со 3 оброци и ужинка во државните градинки! 700 денари дополнителни (тотал 2200) ви се многу а 2 пива и 2 кафиња ви се толку? А бебиситер на саат колку ви бара?“, гласи твитот на профилот „Јас“.
Како не ви е срам да се буните за поскапувањето на цената за чување на вашето дете 20+ дена месечно со 3 оброци и ужинка во државните градинки!
700 денари дополнителни (тотал 2200) ви се многу а 2 пива и 2 кафиња ви се толку?
А беби ситер на саат колку ви бара?— Jas (@BrlaBrla) May 1, 2026
Надоврзувајќи се на овој „твит“, профил со име „Марија“ вели: „Арно што рече прва, ми се смачи да се расправам со недоветни. Уште на времето, мојата кога одеше пред години, мислев дека е премногу ефтино. Дома сама да го чуваш повеќе ќе потрошиш за оброци, грицки, забава“.
Во дискусијата беше направена и пресметка колку изнесувало чувањето на ден од минимум осум часа и три оброци.
„110 мкд на ден за чување мин 8 саати плус игра и храна, 3 оброци...Срамота е да се жалиш за зголемување од 1490 на 2200...“, се вели во твитот.
110 мкд на ден за чување мин 8 саати плус игра и храна 3 оброци....
Срамота е да се жалиш за зголемување од 1490 на 2200....— Jas (@BrlaBrla) May 1, 2026
Други пак реагираат за тоа што некои деца се на листи за чекање со години и бидејќи не ги примаат во државна градинка, се приморани да одат во приватна и прашуваат зошто овие случаи не се субвенционираат од државата.
„А што е со тие деца кои се на листи на чекање со години и не ги примаат во државна градинка и мора да одат во приватна зошто нема друг избор? Зошто државата не субвенционира и во тој случај? Треба да се фати врски у општина за да ги примат во градинка, а во групите се 38-40 деца“, гласи друг твит.
А што е со тие деца кои се на листи на чекање со години и не ги примаат во државна градинка и мора да одат во приватна зошто нема друг избор? Зошто државата не субвенционира и во тој случај? Треба да се фати врски у општина за да ги примат во градинка, а во групите се 38-40 деца.
— Зини Да Ти Кажем (@o_ristovska) May 2, 2026
Имаше и реакции за бројот на вработените воспитувачки.
„Јас би платила и дупло, само да вработат повеќе персонал. Во група, 30 деца, 2 воспитувачки у две смени. Како се снаоѓаат жените, не знам“, се вели во друг твит.
