Животот не е секогаш безгрижен и забавен. Може да биде тежок и стресен и на моменти може да делува истоштувачки и толку комплициран, што човек едноставно не може да ја поднесе сета таа тежина на своите рамена.
Работите скршуваат во погрешна насока, луѓето не разочаруваат и се случуваат лоши работи. Понекогаш се случува се во нашиот живот истовремено да тргне надолу.
Кога се ви е дојдено преку глава и немате повеќе трпение за ништо, многу е важно да оддолеете на искушението да се претворите во огорчени и лути личности. Да, понекогаш е многу тешко, но мора да се обидете да се фокусирате на посветлата страна на работите и да не се откажете од вашиот оптимизам.
Огорченоста е многу грда работа и на крај таа не повредува нас и луѓето коишто ги сакаме. Не носи ништо добро и додава само повеќе непријатност во свет којшто и онака е преплавен со негативност и предизвици. Во продолжение прочитајте 5 главни карактеристики на огорчените луѓе и совети како да избегнете влегување во тој круг.
1. Тие се злопамтила
Раните кои ги носиме со себе знаат да бидат тешки. Тие фрлаат сенка од негативност над сите ваши мисли и чувства и директно може да ги спречи вашите обиди за прогрес и подобрување. Кога одбивате да ги оставите лошите работи зад вас, вие не се одмаздувате на личноста која ве повредила, туку се повредувате себеси.
Сосема е во ред да паметите работи кои се случиле, така всушност и ги учиме нашите животни лекции, но ослободувањето од отровната лутина којашто ја чувствувате е критична за вашето растење како личност.
2. Драмење за да добиете внимание или сочувство
Огорчените луѓе не се баш најпријатни луѓе, но дури и тие се чувствуваат осамени. Поради фаактот дека се неспособни да се спријателат со луѓе на позитивен начин како на пример пријателски разговор, тие обично се обидуваат да поттикнат драматични ситуации и проблеми за да се поврзат со луѓето. Очигледно е дека ова нездрава форма на меѓучовечки однос и може да трае многу кратко.
Може да биде искушувачки да се обидете да стекнете пријатели на ваков начин бидејќи изгледа лесно, но ако увидите дека дискусиите кои ги имате со некого секогаш се вртат околу жалби, поплаки и оговарање, тогаш време е да ги промените работите.
3. Постојана љубомора и завист
Постои добра причина зошто љубомората и зависта се сметаат за „зелено чудовиште“. Тие се едни од најдеструктивните и најгрдите чувства кои луѓето можат да ги чувствуваат. Еден од првите знаци на вистинска огорченост е неможноста да се биде среќен кога на другите им се случуваат убави работи. Ако првата и единствена работа која ви паѓа на ум кога ќе слушнете убава вест за некој друг е дека вие повеќе заслужувате убави работи, треба да се спуштите на земја.
Немате право да претпоставувате било што за другите луѓе, не ги знаете деталите од нивите животи и тие не заслужуваат помалку среќа од вас. Лутината за туѓите успеси нема да ви помогне да ги постигнете вашите цели и соништа. Треба комплетно да престанете да се споредувате со другите луѓе. Фокусирајте се на вашиот живот и цели и така ќе почнат да ви се случуваат убави работи.
4. Секогаш го очекуваат најлошото
Понекогаш може да биде вистинска борба да останете позитивни дури и кога изгледа дека никако не може да ви тргне, но сепак многу е важно да се борите да не станете цинични. Ова е злобен магичен круг. Давате се од себе и сепак губите неколку пати, па затоа почнувате да мислите дека резултатот на се што правите ќе биде ужасен. За жал, оваа состојба на ум ве подготвува за неуспехот кој толку посакувате да го избегнете.
Морате да чувате малку надеж во вашиот ум и срце и да верувате дека дуи и работите да биле лоши во одреден период, сепак секогаш постои шанса дека следниот пат ќе бидат подобри. Вистината е дека секој ден е нов ден и нова шанса да направите пресврт. Не го заборавајте тоа.
5. Се фокусираат само на негативностите
Некои работи во животот едноставно не можеме да ги контролираме и ова е нешто коешто мораме да го прифатиме. Она што е секогаш под наша контрола е како реагираме на овие работи. Човековиот ум е создаден за преживување, па затоа и имаме наклонетост да сме повнимателни за негативните работи отколу позитивните. Затоа е и најважно да ја направиме позитивноста наш приоритет.
Мора да вложиме енергија и труд кои се потребни за да бидеме позитивни. Да, апатијата и песимизмот се едноставни, но тие исто така се отровни. Ако најдете време да помислите на сите позитивни работи, дури и најситните, ќе сфатите дека секогаш има работи за кои треба да сте благодарни.
Позитивните мисли и вашите чувства ќе произведуваат повеќе позитивност и задоволство во вашиот живот, а тоа ќе создаде покреативно и поисполнето постоење. Постоење коешто го посакувате и коешто навистина го заслужувате.
