Дали ви звучат познато следниве изрази: „Аха, добро“, „Сеедно ми е“, „Како што ќе кажеш“? Тие најчесто се составен дел од долгите врски или долгогодишните бракови. Овие „одговори“ понекогаш се резултат на невнимание, но најчесто сигнализираат нарушена комуникација во врската. Таквата нарушена комуникација води до нездрави, „отровни“ модели на однесување, преку кои партнерите се поврзуваат еден со друг на лош начин.
Се разбира дека овие проблеми можат да се појават во секоја врска. Дури и најсреќните парови понекогаш имаат нарушена комуникација во напрегнат период. Но, опасноста за врската се појавува кога проблемите во комуникацијата стануваат секојдневие од кое партнерите не можат да избегаат.
Комуникацијата има клучна улога во градењето на здрава и успешна врска. Преку неа ние ги споделуваме нашите интереси, одлуки и грижи, ја изразуваме поддршката и љубовта кон партнерот, ги надминуваме разликите, ги решаваме проблемите итн. Способноста ефективно да комуницираме претставува вештина, а секоја вештина може да биде научена. Еве неколку совети кои ќе ви помогнат во тоа: