ЈСП со електронска наплата почнува од септември: Каде може да се купи „скопска“?

Нема одложување на системот за електронска наплата во државните и приватните автобуси. Градот Скопје и ЈСП се подготвени во целост за имплементација на користењето на персонализираните и неперсонализираните електронски картички. Ова е ставот на градските власти, на само неколку дена пред истекот на рокот за стариот начин на плаќање во градскиот превоз. Во градскиот превоз веќе се вклучени апаратите за електронски билети, додека во приватните автобуси трае процесот на инсталација на потребната опрема. 

Граѓаните од пред неколку дена не можат веќе од билетарниците да купат билет за десет возења. ЈСП ги повлече од продажба хартиените автобуски билети за десет возења, неколку дена пред целосната имплементација на системот за електронска наплата. Граѓаните што сѐ уште имаат хартиени билети ќе мора да ги искористат најдоцна до први септември, кога почнува и електронската наплата. Освен со електронска картичка, патниците ќе може да плаќаат во автобусите и со мобилен телефон.

А тука е и опцијата плаќање билет на возачот. Валидацијата со мобилен телефон ќе се врши преку т.н. пренос на податоци преку звучна комуникација меѓу мобилниот телефон и валидаторот, а плаќањето е со вртење на бесплатниот телефонски број 185. Со вртење на бројот и приближување на телефонот до валидаторот, апаратот дава потврда за плаќањето. Плаќањето преку мобилен телефон е за пет односно десет денари поскапо. Така, плаќањето со мобилен ќе чини 40 денари со ДДВ наспроти цената на едно возење со електронска картичка, која е 35 денари. Цената на ноќниот билет пак ќе биде 50 денари, наспроти 40 денари, колку што ќе чини ако плаќањето се врши со електронска картичка. Опцијата за плаќање преку мобилен телефон ќе важи само за едно возење. Граѓаните што нема да извадат електронска картичка сепак ќе може да платат кај возачот, но тој нема да дава билети како досегашните, туку ќе издава фискална сметка. Цената на едно возење во автобусите на ЈСП и во приватните автобуси ќе чини 35 денари. 

Постојат два вида картички: „скопска“ и „моја скопска“ или персонализирана, која е замена за слободната карта. Персонализираната електронска картичка со слика чини 200 денари и ќе може да ја користи само сопственикот, а неперсонализираната без слика чини 150 денари и ќе може да ја користат и други. На оваа картичка исто така може да се запишат билет за 90 минути, дневен билет, седумдневен билет и билет од десет возења. Неперсонализираната картичка за десет возења чини  250 денари и ќе важи 15 дена од првото отчукување на валидаторот во автобусот. Картичките може да се користат и како електронски ваучер-паричник и ќе може да се дополнуваат со најмногу 6.000 денари. Дополнувањето не може да биде помало од 100 денари. 

Припејд-картичките ќе може да се дополнуваат на повеќе продажни места и три самостојни автомати наменети за таа цел. Дополнувањето ќе може да се врши и преку веб-апликација. Ако се дополнува парично електронски, тогаш едно возење во автобусот ќе се наплаќа 35 денари. Персонализирана картичка, покрај сѐ што може да се користи на неперсонализираната, овозможува користење и месечни билети, три месечни и сезонски билети, како и контрола на трансакции преку веб-апликација. 

Цените за месечните и годишните остануваат исти како и досега. Без промена се и цените на ученичките, студентските и пензионерските билети. 

КАДЕ МОЖЕ ДА СЕ КУПИ „СКОПСКА“?

- Билетарница ГТЦ-приземје    - Билетарница Зелено пазарче - спроти Градска болница
- Билетарница Пржино - населба Пржино
- Билетарница Кисела Вода - Првомајска
- Билетарница Драчево - наспроти пазарот
- Билетарница Населба Лисиче - Трговски центар
- Билетарница Аеродром - „Три бисери“
- Билетарница Ново Лисиче - ОУ „Лазо Ангеловски“
- Билетарница Маџари - спроти киното „Маџари“
- Билетарница Шумарски факултет
- Билетарница Автокоманда - автобаза ЈСП
- Билетарница Даме Груев - ул. Лука Геров
- Билетарница Ѓорче Петров - спроти „Тинекс“
- Билетарница Карпош 2 - зад Педагошки факултет
- Билетарница Градежен факултет
- Билетарница Пошта - ул. Васил Главинов
- Билетарница Транспортен центар - влез 
- Билетарница Транспортен центар - излез
- Билетарница Бит-пазар
- Билетарница Бутел - пазарче
- Билетарница Бутел - кино
- Билетарница Радишани - Радишанска
- Пункт Карпош 4
- Пункт Ново Лисиче
- Пункт Водно
- Пункт Бутел
- Пункт Сарај
- Пункт Транспортен центар
- Пункт Транспортен центар 2
- Пункт Железара
- Пункт Дом на печат

cheap nike air max 90