Јапонското јаболко е слатко-кисело овошје кое е богато со многу хранливи состојки.
Photo by Vanessa Loring
Неговата боја некогаш варира од светло жолта, до портокалова, па сè до темно црвена.
Зошто е толку моќно ова овошје?
Превенција против рак
Ова овошје е богато со антиоксиданти како и витамините А, Ц и К, кои го штитат организмот од оксидативниот стрес кој помага во одбрана од различни заболувања, како што се хроничните болести и некои видови рак.
Подобро варење
Јапонското јаболко е богато со природни влакна кои придонесуваат за подобро варење на храната и нормално функционирање на дигестивниот тракт. Тие ја поттикнуваат и работата на цревата што придонесува и за исфрлање на токсините од нашето тело.
Добар вид
Ова овошје е богато и со зеаксантин, кој е познат како витамин за очите. Тоа значи дека го штити нашиот вид, особено од оние заболувања кои се почести кај повозрасните личности како што се катаракта и макуларна дегенерација.
Здравје на срцето
Некои истражувања покажуваат дека јапонското јаболко е многу поздраво од нормалните јаболка, бидејќи содржи повеќе природни влакна, минерали и фенолни соединенија. Така, тоа го штити и нашето срце.
Одличен имунитет
Еден плод од ова овошје содржи 12.6 мг витамин Ц,што е 21% од дневно препорачаната доза од овој витамин. Тоа помага во јакнење на имунолошкиот систем, го штити организмот од инфекции и го намалува влијанието на слободните радикали.
