Денес заедно со нашиот драг инстаграмџија Бомбакис праќаме една моќна и тажна порака за нашето Скопје. За жал не научивме да го чуваме овој град и да придонесуваме за средината во која живее. Извини Скопје, но веројатно сме немоќни за екологијата, културата и хигената во градот.
Живеме во мал и убав град. За голем дел од турустите Скопје е вистински бисер во овој дел од Европа, град кој со задоволство го посетуваат, но веројатно ние не знаеме да го сакаме и чуваме ова убаво место.
Спрегата помеѓу бизнисот и политиката, високото ниво на корупција и ниското ниво на лична одговорност и свест секојдневно ја уништуваат животната средина и од Скопје прават урбана џунгла во која тешко се живее и функционира. Град кој секојдневно тоне во урбан хаос и најзагадена метролопа во Европа. Состојбата од година во година се менува, а никој со мал прст не мрднува за ова. Политичките елити го гледаат Скопје како град за политички натпевар, во кој улиците се реконструрираат и санираат на шест месеци пред избори.
Извини Скопје, но веројатно ништо не можеме или не сакаме за:
Лошо паркираните автомобили
Преполните контејнери, ѓубрето покрај нив и лошата хигиена пред зградите
Скршените клуп низ град и на средно Водно
Брзото возење и лудувањето на црвено светло
Урбаното дивеење и градењето згради на секој чекор
Не научивме дека ќе биде жешко и загадено се додека ги сечеме дрвата, градиме улици и го уништуваме Водно. Нема да се живее во Скопје се додека ги лепиме зградите една до друга и нема да биде безбедно нашите деца да возат велосипед се додека возиме како луди.
#ИзвиниСкопје
