На 24 декември, понеделник, во 12 часот, во холот на НУ Музеј на македонската борба ќе биде отворена изложбата „Спомени од Првата светска војна“ со која музејот ќе одбележи 100 години од крајот на еден од најкрвавите и најдраматичните настани од светската историја.
„Со поддршка на Министерството за култура, тематската мултимедијална изложба ги опфаќа најзначајните настани, процеси и сведоштва од Големата војна во Македонија. Преку различни видови и форми меморија – документарни материјали, фотографии, лични сведоштва, поткрепени со богат музејски фонд, изложбата ги презентира војничкиот живот, но и животот во време на војна од наша, автентична, перспектива“, велат од Музејот за изложбата.
Изложбата ќе ја отворат Асаф Адеми, министер за култура на Република Македонија и Кристијан Тимоние, Амбасадор на Република Франција.