Четиринаесет годишно девојче преживеало хорор откако на мал одмор била малтретирана од соученици.
Инцидентот, за кој денес информираше полиција кога истиот бил и пријавен, се случил во четвртокот.
-На 02.10.2018 година во 07.50 часот во Полициската станица Аеродром, Е.Ц.(50) пријавил дека на 28.09.2018 година во периодот од 10.30 до 11.00 часот во основно училиште во населбата Аеродром, за време на малиот одмор, четири малолетници-ученици во училиштето фатиле за нозе и раце нивна 14-годишна соученичка, го отвориле прозорецот од училницата што се наоѓа на приземје и ја фрлиле на земја, стои во полицискиот билтен.
Од МВР посочуваат дека девојчето се здобило со телесни повреди.
Се преземаат мерки за целосно расчистување на случајот.
