Какви ќе бидеме кога ќе остареме? Хороскопот веројатно го има одговорот.
Овен
Младите Овни се како деца, постојано во акција, полни со живот и љубопитни. Секогаш подготвени за авантура, можат нагло да влезат во брак или вечно да го избегнуваат. По природа се индивидуалци кои секогаш ќе им подготвуваат изненадувања на оние кои ги сакаат. Со нив животот е динамичен и никогаш не е досадно.
Во староста, ќе бидат исто така активни. Тешко дека ќе можат да водат мирен живот и ако им недостасува активност, навистина можат да станат досадни.
Бик
Во младоста, Биковите се шармери кои ја освојуваат околината. Ако растат во среќа, такви се и во младоста, но ако растат несреќни, ќе се трудат таквиот период да го заборават по секоја цена.
Браковите ги склопуваат секогаш поради љубов и никогаш нема да дозволат тоа да се случи поради поинакви интереси. Но, парите им се важни, а исто така и материјалната состојба. Тие сакаат да уживаат во животот. Такви ќе бидат и во староста. Не очекуваат ништо поинаку.
Близнаци
Во младоста се среќни и исполнети и во постојано движење. Секогаш бараат можност да се истакнат во својата околина. Среќни се и успешни во комуникацијата и затоа секогаш им е важно друштвото.
Во бракот им се важни патувањата и дружењата, а така ќе сакаат да продолжат и во староста. Ако во животот имаат сличен животен сопатник, никогаш нема да им биде досадно.
Рак
Младите Ракови се многу чувствителни и интровертни личности со кои мораме да бидеме нежни и внимателни. Кога конечно ќе донесат одлука за нешто, се движат кон зацртаната цел. Кога ќе основаат дом и семејство, најважна им е стабилноста. Кога ќе остарат, тие постојано се навраќаат на минатото и ништо не забораваат. Како да живеат во минатото, а не во сегашноста.
Лав
Лавовите секогаш сакаат да се во центарот на вниманието. Најголема навреда за нив е игнорирањето. Треба постојано да се насочуваат во животот за да не заборават на потребите на другите луѓе. Влегувањето во брак за нив е многу помпезно. Сакаат статус, сјај и раскош, но и слава.
Суетни се и во староста. Сакаат другите да им служат и постојано да се зборува за нив. Ако нешто постигнат во животот, ќе очекуваат со часови да се зборува за нивните постигнувања.
Девица
Ова се личности кои секогаш се трудат да бидат пристојни и добри. Нивните родители се секогаш горди на своите деца.
Девиците сакаат да се практични, па така и кога треба да донесат одлука за брак, најпрво ќе ја согледаат иднината. Во доцните години, стануваат вистински перфекционисти, особено во однос на организацијата на животот и обврските. Во староста ќе се трудат да ги постигнат оние работи кои ги пропуштиле додека биле млади. Тие ќе преживуваат втора младост.
Вага
Во овој знак се родени големи шармери. Весели се и дружељубиви, а водат и сметка за својот имиџ. Тие најчесто се во центарот на вниманието. Но, при донесување одлуки особено за иднината се многу неодлучни. Бракот им е нешто најважно во животот, бидејќи тие на животот гледаат како нешто што треба да се проживее во полна пареа. Љубовта и искреноста се нивни идеали.
Во староста, ќе бидат исполнети и среќни само ако се заљубени во својот партнер и се со некој што го сакаат.
Шкорпија
Од најмала возраст, тие провоцираат, кршат табуа и често се емоционално незрели личности. Затоа, треба постојано да бидат насочувани. Но, штом навлезат во брачните води, тоа го прават сериозно и промислено.
Доследни се и не сакаат површност. Сексот им е важен, но склони се и кон неверства и авантури.
Во староста се активни и се трудат да се посветат на проучување на скриените нешта.
Стрелец
Овие личности се многу весели уште од малечки. За нив нема големи грижи, сите работи се изедначени и уживаат во ведрата страна на животот. Во брак навлегуваат спонтано, но галантно. Имаат силна смисла за хумор која ги води низ животот и им помага да се соочат со тешкотиите.
Во староста, со драго срце ќе ги пренесат своите мудрости и животни искуства на помладите. И тогаш нема да им недостасува смисла за хумор.
Јарец
Јарците уште во младоста се сериозни за своите години, можат да бидат крути и многу студени. Но, позади тоа се крие нивната ранливост, чувствителност и амбициозност. Затоа, тие внимателно се подготвуваат, организираат и зрело и контролирано се однесуваат.
Обично се во одбранбен став, а во училиште се многу паметни ученици. Во бракот влегуваат со цело срце, но многу претпазливо.
Во староста почнуваат да се опуштаат и стануваат весели, со изразено позитивен став.
Водолија
Тие во младоста се истакнуваат во својата околина по некој свој специфичен талент. Понекогаш во бракот стапуваат нагло и на свој неконвенционален начин или пак живеат скокајќи од една во друга врска или брак. Во староста тие се препуштаат на своите желби и сакаат да се активни. За нив, воопшто нема да биде чудно ако земат возачка на 70 години или одат на планинарење секој викенд.
Риби
Во младоста, тие се деца кои постојано сонуваат и кои треба да ги спуштите на земја.Често се успешни откако ќе навлезат во уметнички води. Во бракот се склони кон идеализација на партнерот. Во староста конечно се препуштаат на мирен живот и сакаат да се мрзеливи.
