Водолија

Водолија (20. I – 18. II)

Кои се вредностите кои ги чувате зад своите емоции? Во среда, секстилот на Венера и Уран ви помага да ја разберете поврзаноста меѓу вашите вредности и чувства. Во петок, конјункцијата Меркур-Плутон ви носи можност да ставите крај на едно поглавје. Меркур влегува во вашиот знак во сабота и ве прави нежни, искрени и љубопитни. 

Работа

Влегувате во фаза на интензивна работа на нешто што не би можеле да го завршите без помошта од другите. Некоја личност ќе ви понуди соработка која не  би требало да ја одбиете. Таинствени сте во однос на вашите приходи, но тоа и не е така лошо. 

Потпрете се на само на сопствената сила оваа недела, а чувајте ги своите идеи и мисли. Можно е да се разочарате од личност која сте ја сметале за блиска. 

Љубов

Зафатените Водолии чувствуваат напнатост во комуникацијата со партнерот, па така можни се несогласувања. Важно е да прифатите некои работи во вашата врска и д се изборите со нив. 

Слободните Водолии ќе бидат во центарот на вниманието на работното место, па можно е да привлечат личност која ќе ја запознаат на тој начин.Станува збор за некој роден во знаците Лав, Овен и Стрелец.  За некои личности родени во овој знак можен е и обид да започнат тајна врска, што може да ги направи среќни на краток рок, но да ги остави разочарани. 

Здравје 

Смалете ги нездравите оброци. 

Ова е ваш месец.

Љубов

Овој месец ви носи романса на работното место, или пак познанство во вашиот круг на пријатели. Овој месец ќе биде малку поповолен за машките Водолии, но тоа не значи дека ќе биде лошо за жените родени во овој знак. 

Можно е да запознаете и личност преку интернет која ќе ве воодушеви со своите убави зборови, но да делува сосема поинаку кога ќе ја запознаете во живо. 

На 5 февруари, полната Месечина во Лав ја осветлува вашата седма куќа на партнерства носејќи ви храброст за отворени разговори и позитивни промени во вашиот љубовен живот, без оглед на тоа дали сте во врска или сте слободни. 

Дополнителна поддршка добивате на 11 февруари од Меркур кој влегува во Водолија и ви носи леснотија во комуникацијата. 

Венера е во вашата втора куќа на вредности овој месец, помагајќи ви да ги стабилизирате љубовните односи. Сèшто ќе правите, ќе го правите со задоволство, а со поддршката на вашиот владетел Уран ќе бидете подготвени да се отворите кон нови искуства и можности и да се препуштите на задоволството. Ако сте слободни, овој транзит носи можност да бидете привлечени од личност која можеби не е ваш стандарден тип, но тоа не значи дека не треба да им дадете шанса.

На 19 февруари, Венера и Плутон прават одличен аспект кој ве поттикнува да водите отворени и искрени разговори со своите сакани. Уживајте во интимноста која не секогаш доаѓа од еротската страна на врската, туку и од искреноста  и ранливоста во она што го споделувате. 

На истиот ден, Сонцето го напушта вашиот знак и влегува во Риби, а вие можете да ја искористите оваа нежна енергија за да поработите на подобрување на вашите љубовни односи и да создадете поголема доверба. Не се плашете да бидете ранливи и да ги срушите своите ѕидови, сето тоа е за добро. 

Динамичниот Марс се движи низ вашата петта куќа на забава, носејќи ви магнетска привлечност и силна страст и инспирација во вашиот љубовен живот. Ќе бидете храбри и со желба да се поврзувате со нови луѓе. Но, само не се доближувајте премногу до луѓе кои имаат потенцијал да ве повредат или разочараат. 

Работа

Февруари почнува на убав начин за вас, на ова поле. Доаѓаат многу нови можности и одговорности, но нема потреба за страв. Само чувајте се од водените знаци кои би можеле да бидат нестабилни, особено ако се трудите да започнете некакви договори или соработка со нив. 

Тешко ви е да изградите доверба со другите околу вас, но можеби тоа е за добро, овој месец. Вториот дел од месецот ви носи мали предизвици со личност која делува збунето, а која ќе ви ветува многу. Потрудете се да ја испитате добро понудата која ја добивате и да ги соберете сите информации, па дури потоа да донесете одлука. Не се потпирајте само на нивните зборови.

Ова е месец во кој главната тема е на организацијата на вашата работа и градењето добри навики кои ќе ви помогнат лесно да ја извршувате работата и да ги исполнувате целите. Бидете умерени и мудри. 

Здравје

Препуштете се на прошетки и релаксација.

Ова е година во која ќе дојдете до решенија на многу проблеми.

Годишниот хороскоп укажува дека ова ќе биде среќна година и исполнета со авантури  за Водолиите. Ако досега ја сакавте мирната атмосфера, тоа се менува во 2023 година. Фокусот ќе се врати на вашите патувања, а особено среќни месеци се мај и ноември. Во овој период би можеле да купите куќа, земјиште или стан, но и соработката со другите ќе биде без проблеми.

Ова е година која е погодна за откритија во вашиот живот. Сатурн ќе се обиде да создава проблеми, но вие мудро ќе победувате водени од вашата амбиција и желба за успех.

Дружењата и пријателите ќе имаат важно место во вашиот живот во 2023, но на едно од таквите дружења би можеле да ја сретнете својата сродна душа. Венера ќе создава убави провокации во вашите чувства и начин на живеење. Ќе се менувате постојано, а тоа ќе биде убаво патување за вас.

Веројатно сте слушнале дека проблемите нè прават посилни, па така, што и да дојде во 2023 ќе ве направи посилни и помудри. Во одредени случаи, успехот нема да дојде така лесно и брзо, а можно е и да се соочите со финансиски потешкотии. Но, за среќа, Венера во првите три месеци, а Јупитер во текот  на летните месеци ви носат уживање и радост. Јупитер ќе го штити и вашето здравје и ќе ви помогне да се соочите со малите компликации кои би можеле да бидат предизвикани од Раху во последните четири месеци од годината.

Оваа година ви носи многу активности, па затоа ќе треба добро да се подготвите. Кету од вас ќе бара и да се фокусирате на својот личен живот, па генерално гледано, многу важно ќе биде да постигнете баланс. Дали ќе успеете во тоа? Вие сте силни и способни, важно е само соодветно да ги одредите своите приоритети.

Љубов

Оваа година ви носи зголемена желба да ја најдете љубовта на својот живот, но иако тоа ќе се случи, сепак ќе треба малку да почекате. Брзо ќе го губите трпението во комуникацијата со спротивниот пол и тоа може да ви донесе пад на расположението. Но, не треба да се грижите, бидејќи среќата ви е дефинитивно наклонета. 

Оние кои се во врска би можеле да очекуваат проблеми кои се провлекуваат од претходната година. Некогаш ќе се расправате за некои работи, а во други прилики, на вашиот партнер ќе му пречат вашите навики. Најважно е дека планетите ве повикуваат да останете трпеливи и смирени. 

Ако очекувате да се смирите со личност од минатото, ќе треба да почекате тоа да се случи во втората половина од годината. Но, имајте оптимистички пристап и и верувајте во најдоброто. Љубовниот хороскоп носи можности за зближување со саканата личност и за постигнување заедничко разбирањето. Така, врската ќе постои на цврсти темели и љубов.

Финансии

Во однос на финансиите, морате да пристапувате со „ студена глава” и да бидете внимателни, но и тактични. Првите неколку месеци се потешки и ќе биде потребен ваш внимателен пристап. 

Последниот квартал од 2023 е најдобар за инвестиции и трошење. На ова поле, добро би било да побарате совет и поддршка од луѓето кои имаат долгогодишно искуство.

Можни се мали конфликти поврзани со финансиите во вашиот дом. Не дозволувајте тоа да ги уништи семејните односи и да ве оддалечи од луѓето кои ви значат.

Ситуацијата ќе се подобрува низ текот на годината, а можно е да заработите од хонорарна работа и тоа да ви се исплати на долг рок. Поддршка во ова ќе имате од родените во знакот Шкорпија. 

Кариера

Кога станува збор за кариерата, Водолиите не уживаат да прават компромиси. Но, хороскопот за 2023 вели поинаку. Можно е да се соочите со проблеми во вашиот професионален живот, но тоа само ќе ве поттикне да наоаѓате решенија и да се изборите за најдоброто за себе. Поддршка од планетите ќе имате и во однос на унапредувањето кое долго време го очекувате, па затоа бидете подготвени тоа да се случи оваа година.

Генерално, ќе бидете вредни, но и соочени со многу нови идеи и можности. Оние кои работат во сферата на патувањата ќе имаат успех со кој ќе се гордеат. Мали проблеми ги очекуваат оние Водолии кои имаат свој бутик или работат во текстилната индустрија. Проблемите не се големи, но бидете претпазливи.

Здравје

Грижата за здравјето ќе ви биде главен приоритет. Треба да разберете дека кога вашата добросостојба е одлична, вие сте и попродуктивни и подобри кон другите. Бидете внимателни во првиот дел од годината бидејќи можни се мали проблеми со имунитетот, грип или настинки, а некои Водолии би можеле да се соочат со болки од стари повреди. 

Ако се соочите со стрес или вознемиреност, имајте на ум дека физичката активност може многу да ви помогне. Практикувајте јога и медитација и брзо ќе забележите промени во вашето севкупно здравје. Некои Водолии во средината на годината би можеле да имаат проблем со дигестивни проблеми или пак болки во зглобовите, па затоа се препорачува посета на лекар или соодветна терапија.

Јадете правилно и спијте доволно -  тоа е вашиот најдобар пристап во новата година.

Хороскоп по месеци

Јануари: Во овој период се создава клима за исполнување на вашите желби и амбиции. Благодарение на поддршката од планетите, нови проекти се пред вас, а Јупитер ви носи можности кои ќе ви годат. Меѓутоа, за сите работи да се одвиваат на добар начин ќе морате да се носите со различните карактери и расположенија на луѓето околу вас и да се навикнете на нив.

Февруари: Позитивната енергија продолжува, а Јупитер создава среќни околности кои ќе ви помогнат да ги запознаете вистинските луѓе во вистинско време. Марс ви дава виталност, додека пак Меркур и Сатурн го јакнат вашиот карактер и вашето искуство доаѓа во центарот на вниманието.

Март: Ова е одличен период за хонорарна работа. Ако нешто претходно ја кочеше реализацијата на вашите идеи, сега работите се менуваат и ослободени сте од таквите ограничувања. Планетите и даваат предност на вашата независност.

Април: Атмосферата е одлична, а вие сте под полн капацитет и добро расположение иако луѓето многу бараат од вас. Овој месец доаѓаат многу предизвици, но вашиот позитивен став ќе ви помогне да ги надминете.

Мај: Иако напредокот е малку побавен, сепак е важно да ги искористите можностите кои ви се нудат, а тоа ви дава волја да не се обесхрабрувате пред неуспесите. Со поддршката на Венера, ја имате среќата на ваша страна.

Јуни: Во овој месец, вашиот напредок ќе биде закочен, но наместо да барате начини постојано да ја решавате ситуацијата, оставете некои работи да се разрешат сами од себе. Што и да се случи, ставете ја саканата личност на прво место.

Јули: Овој месец од вас бара да најдете сила и енергија за да го завршите она што треба да се заврши. Не се плашете да побарате совет од своите блиски. Бидете нежни кон саканата личност или пак кон некоја нова личност која се труди да ве освои.

Август: Овој месец носи ограничен простор за делување. Сонцето и Венера прават опструкции во исполнувањето на вашите желби, но не очајувајте, бидејќи тоа ќе ви помогне да видите како стојат работите околу вас. Бидете отворени за дискусија и разбирање.

Септември: Не се обесхрабрувајте ако се појави некој проблем во вашиот живот. Размислете за деталите кои довеле до тоа, продолжете да работите исправно и работите ќе дојдат на свое. Во текот на овој месец, Марс ви помага да свртите некоја ситуација во ваша корист.

Октомври: Овој месец немојте да одите на „сè или ништо“. Наместо тоа, земете инспирација од Меркур кој ве поттикнува да бидете дипломати. Вашата љубовна приказна ќе биде размрдана од Венера. Време е за важни одлуки!

Ноември: Овој месец го почнувате со енергија која го загрозува вашиот успех, но Венера ве поттикнува да ги искористите своите таленти. Покажете издржливост и истрајност, тоа ќе ги воодушеви луѓето околу вас. Разговорите за љубовта и вашата иднина ќе ја зајакнат вашата врска.

Декември: Имате некое чувство дека и покрај вашите напори, проектите не напредуваат. Но, Марс ви испраќа позитивни вибрации и ве поврзува со вистинските луѓе.