Бик

Посветеноста се исплати за вас, во 2023 година! 

Уште една година во која сиот товар го презедовте на себе е зад вас, па затоа пренесете ги важните лекции во 2023 и бидете поумни. Шегата настрана, следната година ви носи по малку од сè – романса, хумор, но и тврдоглавост. Но, бидејќи ќе се соочувате со многу нови можности на ова поле, важно е да ги држите очите широко отворени и да не се плашите од новите нешта. 

Оваа година ќе биде важна, голема и успешна за вас ако успеете да се носите со својата тврдоглавост, но и посесивност. Пробајте да се ослободите од таквиот притисок, особено во март кога ќе добиете шанса да се опуштите. 

Уран ви помага да направите голема реформација во вашиот живот. Но, не дозволувајте негативни мисли и драми, туку пробајте опуштен пристап. 

Патувањето на Сатурн, Раху и Јупитер ќе има големо влијание на вашиот живот во 2023 година. Можеби овие планети нема да се така љубезни кон вас во првите три месеци од годината, но сепак нивното влијание е позитивно понатаму и ви носи многу благослови. 

Кариерата е во најголем фокус меѓу мај и јуни. Потрудете се да практикувате мир и да избегнувате агресивно однесување. Бидете блиску до членовите на семејството и осигурајте дека тие ќе се вашиот приоритет во текот на годината. 

Љубов

Оваа година, ѕвездите ви носат важна порака: Ако успеете да заборавите на тврдоглавоста, ова може да биде една од најубавите љубовни години за вас. Од вас зависи. 

Биковите не се познати како личности кои трчаат по љубовта, а таквиот пристап ќе продолжи и понатаму. Иако тоа може да го одолговлечи барањето љубов, важно е да знаете дека вашиот став може да направи да се чувствувате осамено и тажно, но не обвинувајте никој друг за тоа. Ако посакувате љубов, дајте и шанса на една од многуте личности кои ќе ги запознаете во 2023.Тоа е особено важно бидејќи ќе ја имате поддршката од вашата планета Венера која ќе ви донесе романтични чувства. Љубовта секако ќе биде присутна во вашиот живот, но не се затворајте пред оние кои се трудат да ви пријдат. 

На почетокот на годината би можеле да се соочите со неволји и привремена раздвоеност од оние кои ви се важни, без оглед на тоа дали сте во врска или не, а тоа значително ќе влијае на вашето расположение. 

За слободните Бикови, најдобри месеци за наоѓање љубов се јули и август, но и ноември носи значајни можности на ова поле. Дел од вас ќе се поврзуваат со свои колеги и соработници во 2023. 

Ако сте во врска или брак, влијанието на Меркур и Јупитер ќе биде позитивно за вас. За новите врски или бракови, доаѓа можност да ја подобрат врската и постојано да работат на продлабочување на односот во текот на целата година. Силното влијание на Раху може да донесе понуда за брак од личност која живее во странство, во вториот дел од годината. 

Во некои врски може да дојде до доминација и преземање на контролата од страна на вашиот партнер. Тоа ќе биде нешто ново, но и возбудливо за бавните Бикови. Ќе се препуштите на задоволството и ќе ви биде важно да минувате време со саканата личност, без потреба да бидете главни во врската. Тоа воопшто нема вам да ви биде важно. 

Во април и мај, поради силното влијание на Марс можни се конфликти во врските. Затоа, потрудете се да останете блиски до саканата личност и да покажете разбирање. 

Кариера

Новата година ви носи многу можности, но не дозволувајте да ги пропуштите поради вашата ригидност. Во ред е да бидете бавни во носењето одлуки, но некогаш ќе треба побрзо да реагирате  и да покажете интерес. 

Биковите се познати како знак кој го сака луксузот,  па затоа парите се навистина важни за нив. Така, многу често се случува родените во овој знак да ја стават кариерата на прво место. Но, во тоа ќе бидете прилично успешни оваа година.

Триото Сатурн, Раху и Јупитер ќе игра главна улога во вашиот професионален живот. Тоа ќе ви донесе професионален напредок, но од вас ќе се бара и одговорност, напорна работа и посветеност. Ќе успеете да ги покажете своите најдобри квалитети и да ги импресионирате своите шефови. Сонцето ќе ви помага да се поврзувате со личности кои ќе ви помогнат во кариерата преку нови идеи и проекти. Првите осум месеци во годината се одлични за унапредување и промена на работното место. 

Ако имате сопствен бизнис, ништо премногу големо не ве очекува оваа година. Но, тоа не значи дека работите ќе бидат лоши. Можни се мали доцнења со плаќањата во првите месеци, но ситуацијата би требало да се подобри кон крајот на март. 

Месеците меѓу март и септември се одлични за експанзија на бизнисот, а октомври нималку не е добар месец за промени, особено ако водите семеен бизнис. 

Бидејќи Венера е ваша владетелка, вие имате креативна страна која ќе треба дополнително да ја истражувате и покажете оваа година. Направете нешто ново на ова поле, или пак запишете се на курс кој ќе ги подобри вашите креативни вештини бидејќи имате голем потенцијал за успех, па и заработка преку ова. Сонцето во Венера ќе ви помогне да стекнете нови пријатели и контакти кои ќе ви помогнат. 

Финансии

Хороскопот на ова поле најавува исполнување на желбите на некои од Биковите. Ќе се трудите да се насочите кон инвестиции, некои од нив и на берзата, но и ќе бидете повнимателни во однос на трошењето. 

Сатурн носи големи трошоци во март и април, но Јупитер ви носи среќа. Ако за некои одлуки не сте сигурни, потрудете се да побарате совет од вашите најблиски. Тоа особено ќе биде важно ако имате порив да купите нешто луксузни, а не сте сигурни дали можете да си го дозволите тоа или пак дали тоа ви е потребно. Особено внимавајте во месеците јуни и јули. Наместо купување на нешто луксузно, можеби подобра идеја е да вложите во добар одмор, кој ќе ве однесе на интересна дестинација, ќе ви ги прошири видиците, а и ќе ви помогне добро да се одморите.

Можни се зголемени трошоците за оние Бикови кои студираат во странство. 

Здравје

Здравјето ќе ве служи во текот на целата година. Но, важно е да се посветите на некои здравствени проблеми кои се провлекуваат од минатото, без оглед на тоа колку се мали или навидум незначителни. 

Како знак кој често е посветен на повеќе различни работи, можно е голем дел од годината да сте под стрес или замор. Колку и да ви е тешко да најдете време за тоа, важно е да изнајдете решение за овој проблем, бидејќи вашето ментално здравје е значајно, а вие често заборавате на тоа. 

До крајот на годината, важно е да обрнете внимание на кожата и очите. Освен тоа, дијабетичарите треба да бидат внимателни и да водат сметка за своето здравје. Ако имате дете во домот, чувајте го подалеку од струја и електронски уреди. 

Хороскоп по месеци

Јануари: Годината ја започнувате чувствувајќи се изгубени. Но, ваквата енергија ви носи притисок на полето на кариерата, што може да ве извади од колосек и да ги уништи вашите планови. Внимавајте на своите реакции во средината на месецот. Кога станува збор за љубовта, ве очекува убава и слатка средба, само ако си дозволите да ги оттргнете мислите од работата. Венера ви носи силна поддршка.

Февруари: Космичката енергија во овој месец е тешка и ви носи мал напредок, што може да влијае на вашиот мир и способност за расудување. Во оваа состојба не можете да носите важни одлуки, но добро е да размислите добро за тоа каде сте и каде сакате да бидете. Се лутите на саканата личност бидејќи нема време за вас.

Март: Притисокот кој го чувствувавте полека исчезнува. Сега имате пријатно чувство и можете да се посветите на она што ви е важно. Ја добивате и потребната самодоверба, но и контролата над ситуацијата. Во љубовта настанува период на нежности и разбирање, а недоразбирањата ќе ги надминете преку разговор.

Април: Планетите ви помагаат да го средите хаосот околу вас. Ве интересира некој проект кој не е завршен, а на кој сакате да му се посветите. Луѓето кои ве почитуваат се околу вас и убаво ви е во ваше друштво. Барате стабилна врска и љубов, а и точно знаете што сакате. Ако некому сте дале ветување, сега е време да го исполните.

Мај: Чувствувате лична експанзија, а тоа ќе ви даде можност да се вратите на вистинскиот пат и да ја вратите рамнотежата која можеби е нарушена. До израз доаѓа и вашата љубезност, па луѓето сакаат да минуваат време околу вас. Сите аспекти во вашиот живот значајно се подобруваат.

Јуни: Добивате поттик да се зближите повеќе со саканата личност, но тоа може некои работи да изнесе на виделина. Исто така, вие работите напорно и ефикасно и ги покажувате своите таленти. Имате неверојатна волја и силна енергија и ова е период во кој може да постигнете што и да посакате. Работите се подобруваат од ден на ден и многу можности доаѓаат за вас.

Јули: Ова е месец кој од вас бара да бидете толерантни и комуникативни. Ако сте во врска, вашиот љубовен живот се подобрува, а можен е и почеток на нова врска за слободните Бикови. Благодарение на Јупитер, работите одат на подобро.

Август: Одвојте време за себеси и најдете време за одмор. Ако треба да донесете одлука, важно е добро да размислите. Во меѓувреме, Марс и Јупитер ви носат поддршка. Додека го чекате позитивното влијание на вашата владетелка Венера, клучно е да останете смирени.

Септември: Наместо да се нервирате за тоа дека работите се одвиваат бавно, искористите го тоа за да го измерите својот напредок. Испланирајте го она што сакате да го постигнете и ако е потребно, побарајте поддршка од луѓето кои се важни за вашиот успех. Не влегувајте во конфликти, туку игнорирајте ги оние кои мислат дека можат да се мешаат во вашиот живот. Овој месец ви е потребен мир и тоа е најважно.

Октомври: Јупитер и Сатурн ви носат напредок. Меѓутоа, можно е да мислите дека на работите им е подолго време да се придвижат напред. Не ги губете нервите, нема потреба за тоа. Ако работата ве мачи, најдете поддршка во прегратките на саканата личност.

Ноември: Некои блокади кои постоеја претходно сега исчезнуваат, но вашите проекти полека напредуваат. Сакате да разговарате и преговарате и имате неверојатна умешност за тоа. Но, вашите љубовни односи би можеле да поминат низ период на криза.

Декември: Го почнувате месецот со леснотија, оптимисти сте и уживате во животот.