Гурманска преклопена пица

За вистинските гурмани на пица ова е одличен рецепт.

Состојки:

200 грама млеко

30 грама свеж квасец

100 мл јогурт

2 јајца

600 грама брашно

200 грама шампињони

200 грама мартадела

200 грама кашкавал

200 грама чаден врат

Сол и масло за јадење

Подготовка:

Во млекото ставете го квасецот, па потоа 1 лажичка шеќер и 1 лажичка брашно. Оставете 10 минути квасецот да нарасне. Потоа додадете масло за јадење, брашно, 2 белки, јогурт и 1 лажичка сол. Замесете тесто и оставете да отстои 30 минути. Тестото поделете го на два дела.

Од првиот дел развлечете кора. Кората премачкајте ја со кечап, па ставете кашкавал, шампињони, мартадела и од чаденото месо.

Преклопете ја кората, а краевите затворете ги со вилушка. Пицата премачкајте ја со изматени жолчки. Печете во загреана рерна 25 минути на темпертура од 200 степени. Додека се пече првата гурманска пица направете ја и втората.