Граѓаните се револтирани поради интервенирањето во паркот во Ѓорче Петров

„Во услови на рекордна загаденост, кога секој ден си на врвот на загаденост согласно мерачите на воздух на Министерството за животна средина, кога општината смрди и очи печат од запалени гуми, пластика, полиестер и што ли уште не, да вадиш дрва од ЕДИНСТВЕНИОТ реонски парк и да го ''масакрираш'' дел по дел за улици, згради и пристапно-сервисни улици е надвор од умот.
Садиш дрва кога ќе си под притисок на граѓаните и кога ќе се спушти темата вадиш и носиш багерите.
Џабе се сите писанија и апели, помош не стигнува од никаде, ниту од никого.
Ѓорче станува гасна комора, а никој мува не го лази.“ - напишаа ѓорчепетровци на Фејзбук групата „Ѓорче Петров“, објавувајќи видео како багер изведува градежни активности во паркот.