Граѓаните реагираат дека местата кои се наменети за уживање постојано се изложени на вандализам. Дел од нив сметаат и дека надлежните треба да водат повеќе грижа и да ги казнуваат сите оние кои несовено се однесуваат со околината.
Од град Скопје велат дека превземаат мерки, но признаваат дека оддржувањето на урбаната опрема во градов е проблем,а доказ за тоа се и секојдневните пријави. Поради тоа апелираат граѓаните да бидат совесни.
По службено документирање до Град Скопје, се доставува информација за настанатата штета и се превземаат мерки за реконструкција ,а во голем број случаи се поставуваат и нови клупи наместо оштетените. Апелираме до граѓаните и посетителите на Градскиот парк да ја чуваат урбаната опрема во интерес на заедничко добро, со цел средствата што се собираат од нив, наместо да се инвестира за обонување и замена на оштететната опрема, да се инвестира во нови заеднички добра во кои сите би уживале, велат од Град Скопје.
Според законот за прекршоци против јавниот ред и мир, секој оној кој загадува или оштетува јавни згради, чешми, извори, плажи, паркови, шеталишта или дурги јавни објекти ќе биде казнет со глоба од 100 до 400 евра.
