Градоначалникот на Гази Баба, Тони Трајковски и претставници од УСАИД денеска беа во работна посета на ОУ„Наум Охридски“ каде минатата година беше поставен нов покрив и беше извршена санација на училиштето.
Како што соопшти општината, реализираниот проект опфаќаше замена на кровот со поставување на лимен покривач и поставување на изолација, демонтирање и поставување на нова громобранска инсталација, замена на внатрешните врати, санација на подовите и плафоните, се направи молерисување како и уредување на дворот.
Преку Проектот за меѓуетничка интеграција во образованието на УСАИД, училиштето „Наум Охридски“ соработува со основното училиште „26 Јули“ од Шуто Оризари и овозможува соработка, дружење и осознавање на културата на другите заедници.
Учениците заеднички учествуваа во креативна работилница и изработија велигденски украси и интересни слики со различни техники на изработка.
