Градоначалникот на општина Гази Баба Бобан Стефковски ги испрати учениците од основните училишта од општина Гази Баба на училишен летен камп.
Општина Гази Баба оваа година за прв пат го субвенционира организирањето на летниот камп со што општината покрива дел од трошокот за учество на учениците во кампот.
„Општина Гази Баба за прв пат субвенционира оддржување на училишен летен камп.Утрово имав чест да ги испратам и да им посакам среќен пат и убав престој во училишниот летен камп на учениците од основните училишта на територија на општина Гази Баба“, напиша Стевковски на својата фејсбук страна.
За прв пат оваа година, општина Гази Баба ги субвенционира учениците кои преку основните училишта се пријавиле за учесници на летниот камп. На летниот камп ќе учествуваат 250 ученици од 11те основни училишта, а проектот се реализира во соработка со општинскиот сојуз на училишен спорт на општина Гази Баба.
Покрај субвенционирањето на летниот камп, општина Гази Баба оваа година за прв пат додели и еднократна парична помош за сите првоодделенчиња како и награда за учениците на генерација.
