Во врска со дезинформациите околу срушениот ѕид и ограда на Клиничкиот центар, Град Скопје информира дека нема законска надлежност да постапува во овој случај. Согласно законските прописи, ова прашање е во надлежност на Министерството за здравство на Македонија.
''Улицата Белградска, која е под надлежност на општина Центар, се одржува од страна на Град Скопје, но ова не подразбира изградба на улица или други градежни активности.
Изградбата на општински улици е одговорност на општините, додека Град Скопје се грижи за булеварите и сообраќајниците опфатени во Генералниот урбанистички план.
Потпорниот ѕид, кој служи како ограда на Клиничкиот центар, е во надлежност на Министерството за здравство. Единствено Министерството или негов овластен орган може да врши изградба или реконструкција на овој ѕид, согласно законските прописи'' известуваат од град Скопје.
