На неколку локации во Скопје наскоро ќе се создадат услови за одржување на изложби на отворено. Градските власти во наредните два месеци ќе ги набават монтажно-демонтажните елементи за организирање на ваков вид културни настани во Скопје.
На јавните површини во главниот град ќе се постават подвижни преградни ѕидови, постаменти за скулптури и дрвени штафелаи. Покрај тоа што ќе се облагороди дел од просторот наменет на граѓаните, градските власти сметаат дека проектот ќе им обезбеди промоција на творечките дела на ликовните уметници и аматерите преку организирање изложби.