Голем маскенбал по повод Денот на шегата во Ѓорче Петров

По повод Денот на шегата Општина Ѓорче Петров организираше голем маскенбал за најмладите жители во реонскиот парк во општината.

Учество земаа сите градинки и основни училишта, кои беа и дел од организацискиот дел на целиот настан. Креирани беа преубави и уникатни маски, а имаше и ликовна секција која ги црташе најубавите маски и за своите творби добија пригодни награди.

-Овој преубав ден го поминав со дечињата кои се најискрените и најдобрите пријатели, кои иако е 1-ви Април не знаат да излажат, туку само да се пошегуваат и насмеат, објави градоначалникот Александар Стојкоски.