Жител на велешкото село Бањица бил каснат од змија додека ги миел рацете во чешмата од семејниот двор. Настанот се случил во понеделникот околу 20:50 часот, а според неговото кажување тоа било поскок.
Од велешката болница велат пациентот е надвор од животна опасност.
Ова е трето каснување од змија за десет дена во велешко. На 28-ми јуни, две лица кај селото Војница беа каснати од една змија откако при работа на лозје наишле на змиско гнездо.
