3.300.000 денари ќе легнат на сметките на нашите сограѓани со пензии не повисоки од 17.518 денари до крајот на следниот месец, истакна градоначалникот на Општина Центар, Горан Герасимовски.
-Во Oпштина Центар има околу 4.000 пензионери и сите кои го исполнуваат условот ќе добијат финансиска поддршка, никој нема да биде изоставен. Како градоначалник сум посветен на поддршка на повозрасните, тие се наши дедовци и баби, мајки и татковци, на нив им должиме многу. Општината е сервис кој треба да се грижи и се грижи за оние кои се силно погодени од кризата - вели Герасимовски.
Тој смета дека ваквата финансиска поддршка ќе биде многу значајна, за да се покријат основните трошоци и амортизираат поскапувањата кои се резултат на глобалната економска криза.
