Генералното собрание на Обединетите нации гласаше за усвојување на нова карта на светот која ги прикажува реалните релативни големини на земјите, откако африканските земји апелираа до ОН да исправи вековната неправда.
Резолуцијата „Поправи ја картата“, која ја предложија членовите на Африканската унија заедно со Бахамите, беше усвоена со убедливо мнозинство. 164 земји членки гласаа за неа, а единствени против беа Соединетите Американски Држави. Шест земји се воздржаа: Естонија, Грузија, Литванија, Молдавија, Србија и Украина.
Целта на резолуцијата е да се обезбеди „порамноправна“ репрезентација на светските региони, особено на Африка. Во резолуцијата се наведува дека искривувањата на сегашните карти значат дека африканскиот континент доживеал „симболично намалување“ во колективната имагинација на луѓето.
Многу од денешните светски карти се базираат на Меркаторовата проекција, која е создадена во 1569 година од европскиот картограф Герард Меркатор. Таа е широко користена за навигација бидејќи линиите што се протегаат од север кон југ имаат постојана вистинска насока во однос на екваторот.
Меѓутоа, таа е помалку погодна за прикажување на светот бидејќи нејзината скала е искривена. Земјите подалеку од екваторот на картата изгледаат непропорционално поголеми од оние поблиску до него. На пример, на Меркаторовата проекција, Гренланд изгледа поголем од континентот Јужна Америка и е приближно со иста големина како Африка.
Всушност, Гренланд е приближно со иста големина како Демократска Република Конго, додека Африка е 14 пати поголема од Гренланд.
Некои критичари на Меркаторовата проекција веруваат дека таа останала толку распространета затоа што ја зголемува Европа и ја става во центарот на картата, како и други западни региони како што е Северна Америка, со што ги зајакнува идеите за европска супериорност.
On Friday, the United Nations General Assembly adopted an African proposal for a new world map, which shows countries’ true size relative to one another.
In favor: 164
Against: 1
Abstentions: 6 pic.twitter.com/5BE4LUiojH— UN News (@UN_News_Centre) September 4, 2026
Резолуцијата на ОН изразува „загриженост дека ова нарушување придонесува за намалување на перцепираната големина на Африка, Јужна Америка и Јужна Азија и за одржување на неурамнотежен поглед на светот“.
Се додава дека ваквите нарушувања „придонесуваат и за намалување на опсегот на социоекономски реалности, инфраструктурни потреби, потенцијал за развој и просперитет во јужните региони и може да поттикнат предрасуди во областа на животната средина, геополитиката и безбедноста“.
Затоа, резолуцијата предлага, како „чин на когнитивна правда и морална репарација“, да се замени Меркаторовата проекција со проекцијата Еднаква Земја, која попрецизно ги прикажува релативните површини на регионите во светот.
На картата Еднаква Земја, презентирана во 2018 година на конференцијата на Северноамериканското картографско информатичко општество, Европа изгледа помала, Бразил е значително поголем, а Гренланд е драматично намален. Африка изгледа многу поголема во споредба со нив.
Гласањето во ОН се одржа откако Африканската унија ја усвои мапата „Еднаква Земја“ во март, а потоа Того, во име на Африканската унија, ги повика земјите-членки на ОН да го сторат истото во април. Потоа беше изготвена нацрт-резолуција, а Генералното собрание на ОН одржа неформални консултации за неа во јули.
La Asamblea General de la ONU aprobó por 164-1 promover la proyección Equal Earth frente al clásico mapa Mercator.
EE.UU. fue el único voto en contra y hubo 6 abstenciones. pic.twitter.com/JFG7WwVtC4
— Quantum Pulse Media (@quantumpulsehq) September 4, 2026
