Продолжува чистењето на коловозите и тротоарите во општината. Во соработка со Град Скопје, поминати се сите булевари.
Зимската служба на Ѓорче Петров, изминатата ноќ фрли 30 тони сол при расчистување на снежните наноси. Ангажирана е 24 часовна дежурна екипа на надвозникот во ,,Даме Груев”.
Согласно техничките можности, денеска се насочуваме во руралниот дел од општината каде снежните врнежи се поинтензивни. Целта е да не настане отсечување на селата Орман, Кучково и Никиштани.
Истовремено, им препорачуваме на возачите да возат внимателно и да не паркираат на улиците со што би се овозможило непрекинато движење на возилата на зимската служба. Апелираме до граѓаните, куќните совети и сопствениците на деловните објекти да се придржуваат до законската обврска за чистење на снегот од приодите до нивните објекти.
