Во Кинотеката на Македонија вечерва (19 октомври), во 20 часот, ќе биде прикажан францускиот филм „М“ во организација на Францускиот институт во Скопје. Со оваа проекција се отвора и новата сезона на францускиот кино-клуб, во рамките на којшто еднаш месечно се прикажуваат современи француски филмови.
Се работи за прв долгометражен филм на младата актерка и режисерка Сара Форестие, којшто беше одлично прифатен од критиката.
Форестие раскажува една љубовна приказна за двајца млади од различни социјални средини, во која и двајцата треба да се соочат со неписменоста на момчето.
Во главните улоги настапуваат Сара Форестие и Редуан Аржан, а филмот е со превод на македонки јазик.