ФОТО: Завршија полумаратонот и трката на 5км на Виз Ер Скопски маратон

За прв пат над 10.000 натпреварувачи застанаа на стартот на Виз Ер Скопски маратон уште еднаш потврдувајќи ја љубовта кон спортувањето која ја има во Македонија и влијанието кое Виз Ер Скопски маратон го има во развојот на истата.

14-от Виз Ер Скопски маратон беше блесокот на илјадници тркачи, но само неколку успеаја меѓу првите да ги зададат последните чекори на 5км трката и полумаратонот. Додека, тркачите на маратонот сѐ уште газат по улиците на Скопје во генералниот пласман на полумаратонот Дарио Ивановски беше прв со 01.09.10, Атанас Анчевски заврши втор со 01.14.44 и трет беше Милош Ранчиќ со 01.15.56. Од жените во генералниот пласман првите три места ги земаа Миљана Ристиќ со 01.29.15, Амела Трозиќ со 01.32.22 и Силвија Шимуновиќ со 01.35.06.

„Виз Ер Скопски маратон претставува нешто што е од големо значење за Скопје и Македонија. Сите тркачи кои ги гледаме денес вежбаат со месеци и затоа сме горди да кажеме дека помогнавме во развојот на спортувањето и здравиот начин на живеење. Самите резултати денес, со Македонци држејќи ги најдобрите резултати на полумаратонот, покажува колку оваа дисциплина напредна низ годините.“, истакна Гордана Николовска од Сојуз на спортови на Скопје. Таа додаде дека секогаш се трудат во воведување на новитети па затоа оваа година за да ги мотивираат натпреварувачите низ целата патека беа поставени познати ДЏ-и, радија, бендови и оркестри кои ги забавуваат тие што трчаат и тие што бодрат.

Трката на 5км беше најмасовна, но само 6 луѓе ја имаа можноста да ги освојат првите 3 места во категоријата мажи и категоријата жени. Кај машките натпреварувачи први беа Богдан Цветковски, Кристијан Стојани, Леонид Вандевски, а кај жените Греса Бакрачи, Марго Бојаџиева, Викторија Ѓорѓеска.

Натпреварувањето за најтешкиот предизвик продолжува со маратонот и истиот може да се следи во живо на следниов линк http://skopskimaraton.com.mk/rezultati/ или на новата мобилна апликација која ја лансираше Виз Ер Скопски маратон. Таа може да се преземе на:

https://play.google.com/store/apps/details?id=com.skopjemarathon

Поради фактот што маратонот од 42.195 км е сѐ уште во тек, резултатите и фотографиите од победниците ќе бидат додатно објавени.