Општина Ѓорче Петров набави ново мултифункционално возило, наменето за поефикасна работа во одржувањето на јавните зелени површини.
Градоначалникот на Општина Ѓорче Петров, Александар Стојкоски се пофали дека возилото е веќе на терен и дека воведуваат поодржлив пристап кон животната средина преку мулчирање - процес со кој органската маса се враќа во почвата, придонесувајќи за нејзино природно збогатување и намалување на отпадот.
„Во таа насока, набавено е ново мултифункционално возило - специјализиран мулчер, наменет за поефикасна работа на терен и подобро одржување на јавните зелени површини“, истакна Стојкоски во објавата на Фејсбук.
Тој порача дека работат на конкретни чекори што носат видлива разлика на терен - почисто, поуредено и пофункционално Ѓорче Петров.
