Филмoт „Помош, ги смалив родителите“ во македонските кина

Од креаторите на германската детска авантура “Помош, ја смалив учителката„ во македонските кина доаѓа продолжението на оваа детска комедија под наслов “Помош, ги смалив родителите„, каде што овој пат мајката и таткото се оние што ќе бидат смалени во џебна големина.

Училиштето на Феликс повторно е опседнато, само овој пат тоа не е добронамерниот дух на основачот на училиштето Ото Леонард и непријатността што ја предизвика туку омразената и почината директорка Хулда Стингберд.

Феликс, Ела и нивната банда мораат да го спасат училиштето и повторно да ги вратат учителката Шмит-Гесененвејн и родителитена Феликс во нивната оригинална големина.

Режијата овој пат ја потпишува Тим Трагесер. Филмот е од 2018 година и трае 93 минути.