Дел од државните институции од први септември ќе работат во две смени.
УЈП, Царинската управа, Управата за водење на матични книги, МВР, подрачните отсеци во Секторот за управно-надзорни работи, во Одделот за граѓански работи, Министерството за одбрана – одделенијата за одбрана на регион со градовите и општините во состав се институциите кои првично ќе почнат да работат во две смени.
Тие ќе започнуваат со работно време од 7:00 до 14:30 часот и од 14:00 до 21:30 часот. Исто така, овие институции ќе работат и во првата сабота од месецот, но само во една смена од 8:00 до 16:00 часот.
Од Министерството за администрација и информатичко општество информираат дека во иднина листата на институции кои ќе работат во две смени може и да се дополнува.