ЕМA: Нема потврдени докази за поголем ризик за жени и млади од „Астра Зенека“

Европската агенција за лекови (ЕМА) денеска соопшти дека не може да потврди дали жените и младите се изложени на поголем ризик од ретко згрутчување на крвта со ниски тромбоцити по вакцинирањето со вакцината на Астра Зенека против Ковид-19.

Поради ограничувањата во начинот на собирање податоци, ЕМА не успеала да идентификува специфични фактори на ризик што доведуваат до поверојатна појава на тромбоза со тромбоцитопенија, објави европскиот регулатор.

Европската комисија претходно оваа година побара научно мислење од ЕМА по извештаите за тромбоцитоза проследена со тромбоцитопенија (ТТС) по примањето на вакцината произведена од Астра Зенека, поради што некои земји во ЕУ во еден момент престанаа да ја користат.

ЕМА повтори дека втората доза вакцина развиена од Астра Зенека со Универзитетот во Оксфорд била примена помеѓу четири и 12 недели по првата.

– Нема докази дека одложувањето на втората доза има какво било влијание врз ризикот од ТТС, велат од ЕМА.

ЕМА, исто така, истакна дека во моментов нема дефинитивна препорака за администрирање на вакцината од друг производител по првата доза на Астра Зенека.