Денес заедно со учениците од ООУ „Живко Брајковски“, градоначалникот на Општина Бутел, Дарко Костовски, одржа едукативна работилница за еден од најголемите проблеми - електричната енергија и нејзиното штедење.
Костовски истакна дека тие разговарале за начините за штедење и користење на електричната енергија и како тие начини да станат дел од нивното однесување.
-Преку интерактивни методи за настава и надгелдни средства, учениците за време на работилницата имаа прилика да научат за изворите и видовите енергија што се користат во домовите и нивното секојдневие и за тоа како безбедно и разумно да ја користат. Со ова тие ја увидуваат потребата од штедење и ги учат различните начини за заштеда на енергијата.Од страна на учениците беа изготвени неколку упатства и пораки како полесно да штедиме, а на граѓаните им беа поделени неколку штедливи сијалици. Општина Бутел во изминатиот период со низа мерки пристапи кон штедење на електричната енергија - потенцираше Костовски.