Ова е вкусен, но здрав џем во чиј вкус ќе ужива целото семејство.
Photo by Photo By: Kaboompics.com
Состојки:
1 кг свежи смокви (зрели, слатки)
4 лажици чиа семе
150–200 г шеќер (по вкус, зависи колку се слатки смоквите)
Сок од половина лимон
100 мл вода
Подготовка:
Измијте ги смоквите и исечете ги на мали парчиња.
Ставете ги во длабоко тенџере, додајте ја водата и варете ги на средна температура околу 10–15 минути, додека да омекнат. Повремено промешајте.
Додајте го шеќерот и сокот од лимон. Продолжете да варите уште 10 минути, мешајќи со дрвена лажица.
Со рачен блендер или вилушка, смелете ги смоквите до густина каква што сакате – може да оставите и мали парчиња за поинтересна текстура.
Додајте го чиа семето и убаво промешајте. Варете уште 5 минути, а потоа исклучете ја ринглата. Чиа семето ќе ја згусне смесата додека стои.
Врелиот џем сипете го во стерилизирани тегли. Затворете добро и свртете ги наопаку 5 минути за да се вакуумираат.
Совет:
Овој џем е одличен на тост, со јогурт или како додаток во колачи. Ако сакате поблага верзија, додајте малку повеќе шеќер или мед.
