Македонските млади кадетки и кадети направија подвиг за почит и се пласираа во двете големи финалиња на Светското училишно првенство во ракомет. Денес Скопје е центарот на ракометниот свет, а нашите млади таленти имаат потреба од поддршка.
Федерацијата на училишен спорт на Македонија испраќа отворен повик до целата јавност – да ја наполниме салата и да бидеме „осмиот играч“ на нашите ракометни надежи.
Дуелите се играат во СЦ „Јане Сандански“ влезот е слободен.
За Федерацијата тие веќе го остварија својот успех со самиот пласман во завршницата, но денес е шансата да се испише историја на домашен терен.
„За нас, како Федерација, тие веќе се шампиони. Им благодариме за одличните натпревари и достоинственото претставување на нашата земја во најдобро светло. Ве повикуваме сите заедно да им дадеме ветар во грб во одлучувачките битки за златото“, велат од Федерацијата на училишен спорт.
