Два патнички автомобили биле опожарени во пожар што избувнал во дворот на семеен дом во селото Стар Караорман, штипско.
Според информациите од МВР, на 6 август во 14:41 часот било пријавено дека во дворно место, сопственост на С.Н. (49) од Штип, настанал пожар во две патнички возила – „фолксваген венто“ и „фолксваген голф“, и двете со штипски регистарски ознаки.
Во пожарот нема повредени лица.
Огнот бил изгаснат од екипа на Територијалната противпожарна единица Штип, а увид на местото извршила екипа на СВР Штип, која ги утврдува причините за избувнувањето на пожарот.
