За еден ден две пукања во Скопје. Вчера, две лица се повредени во одделни случаи на пукање со огнено оружје, од кои едниот во Батинци, а другиот случај во Визбегово.
Вчера претпладне имало пукање во скопско Батинци, каде што едно лице било погодено со куршум и пренесено во градската болница „Св. Наум Охридски“.
-На 09.05.2023 околу 11.30 часот од полициски службеници од Единицата за интервентна полиција при СВР Скопје е лишен од слобода Е.Ч. (28) од Скопје, постапувајќи по претходна пријава околу 11 часот дека во с.Батинци било пукано кон Н.М., кој е пренесен во ГОБ „Св.Наум Охридски“ за укажување лекарска помош, потврдија од МВР.
Вториот случај на пукање се случил вчера попладне во Визбегово. Според првичните информации, еден човек е ранет во нога во престрелката која се случила нешто по 17 часот и е пренесен во болница.
„А.Б. пријавил дека во Визбегово кон него пукал И.А. и го повредил“, кусо велат од МВР.