Дождлив и студен ноември и снежен декемри - ваква прогноза донесуваат светските метролошки сервиси за времето во Скопје до крајот на оваа година.
Следната седмица ќе донесе стабилно време, но промена и пад на температурите кои ќе се задржат над нулата.
Втората половина од овој месец ќе донесе дневни температури кои ќе се движат до десетиот степен и утрински кои ќе бидат блиску под нулата. Последните денови од ноември ќе бидат врнежливи со температури од 2 до 8 степени.
Првата половина од декември ќе биде дождлива со температури кои ќе се движат над нулата. Драстично пониски температури и врнежни од снег се очекуваат во втората половина од декември. Утринските температури ќе се симнат до -6 степени под нулата, а дневните ќе се движат до 5 степени над нулата.
Втората половина од декември, речиси цела ќе биде студена и со врнежни од снег.
Новогодишната ноќ ќе биде студена и исто така ќе донесе врнежи од снег.
