Денеска беше објавена пресудата за пожарот во модуларната болница во Тетово во кој загинаа 14 луѓе, а десетици беа повредени.
Обвинети во случајот беа поранешниот директор на болницата, Флорин Бесими, поранешниот економски директор на болницата во Тетово, Артан Етеми, одговорниот за ковид центарот, Бобан Вучевски и тетовската болница како правно лице.
Бесими и Етеми се осудени на казна затвор од една година и шест месеци, но казната е условна. Исто така, осудени се да платат парична казна од 4.000 денари. Судијата Јордан Велковски сметаше дека тие предизвикале опасност за животот на пациентите и нивните роднини.
Доктор Бобан Вучевски е ослободен од обвинението. На него му се судеше дека дозволил влез на роднини во болничките соби, иако тоа било забрането.
