Доцна синоќа почувствуван нов земјотрес

Земјотрес со интензитет од три степени според Европската макросеизмичка скала синоќа во 22:43 часот е почувствуван во Дебар, Гостивар и Маврово, соопшти денеска Сеизмолошката опсерваторија при Природно-математичкиот факултет во Скопје.

Земјотресот бил со Рихтерова магнитуда од 2,9 степени, од епицентралното подрачје Гостивар-Тетово, со епицентар на 60 километри југозападно од Скопје.